Read Time : < 1 मिनेट
२०७७ श्रावण १५ बिहीबार १४:१०:००
१३औँ दक्षिण एसियाली खेलकुद (साग)मा दुई स्वर्ण पदक जितेका कराते खेलाडी मण्डेकाजी श्रेष्ठ पाँच लाख नगदसहित सम्मानित भएका छन् ।
उनलाई जिल्ला फुटबल संघ धादिङका अध्यक्ष दीपक खतिवडा र गुडविल विल्डर्सका प्रमुख कार्यकारी रवि महर्जनले संयुक्त रूपमा पाँच लाख प्रदान गरी पुरस्कृत गरेका हुन् ।
ललितपुरमा बिहीबार आयोजित कार्यक्रममा मण्डेलाई पुरस्कार रकम हस्तान्तरण गरिएको हो । नेपाल पुलिस क्लबसँग आबद्ध मण्डेले गत १३औँ सागमा पुरुषको एकल काता र टिम कातामा गरी दुई स्वर्ण पदक जितेका थिए । मण्डेले एकलतर्फ जितेको स्वर्ण १३औँ सागमा नेपालले जितेको पहिलो स्वर्ण थियो ।