Englishमुख्य समाचारसमाचारदृष्टिकोणफ्रन्ट पेजअर्थअन्तर्वार्तामल्टिमिडियाखेलकुदविश्वकोरोना अपडेटप्रवासकर्नर किकसम्पादकीय१३औँ वार्षिकोत्सव विशेषांकस्वास्थ्य र जीवनशैलीफिचरलाेकसेवाप्रेरक प्रसंग१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०प्रदेशटर्निङ प्वाइन्ट्स-२०१९ब्लग
  • वि.सं २०७७ असोज १४ बुधबार
  • Wednesday, 30 September, 2020
तिवारी यादव वीरगञ्ज
२०७७ श्रावण १३ मंगलबार १५:३८:००
समाचार डिजिटल संस्करण

वीरगन्जका होटेल व्यवसायी आइसोलेसनका लागि होटेल दिन तयार

२०७७ श्रावण १३ मंगलबार १५:३८:००

पर्सामा पछिल्लो केहीदेखि कोरोना संक्रमण बढ्दै गएपछि अस्पतालमा बेडको अभाव हुँदा आइसोलेसनका लागि आफ्ना होटेल दिनका लागि वीरगन्जका होटेल व्यवसायीले तयार रहेको जनाएका छन् । 

होटेल तथा पर्यटन व्यवसायी संघ वीरगन्जले आफ्ना होटेलहरू कोरोना उपचारमा आइसोलेसन स्थापना गर्न तयार रहेको जनाएको हो । 

वीरगन्जमा एक घर एक परिवार परीक्षण अभियान सञ्चालनमा आएपछि संक्रमित  बढ्दै गएकाले अस्पतालमा बेडको अभावले संक्रमितहरूलाई घरमा राख्न थालिएपछि होटेल तथा पर्यटन व्यवसायी संघले होटेल उपलब्ध गराउन विज्ञप्तिमार्फत जनाएको छ । 

संक्रमितहरूको घरमा सेल्फआइसोलेसन बनाएपछि व्यक्तिगत कोठा र शौचालय तथा स्नानघर नहुँदा घरका अन्य सदस्यमा पनि संक्रमण बढ्न सक्ने खतरा हुने भएकाले आफ्ना होटेलमा आइसोलेसन बनाउँदा उपचारमा सजिलो हुने संघको भनाइ छ ।

वीरगन्जमा रहेका एक–दुई सय बेडको होटेललाई न्यूनतम मूल्यमा आइसोलेसनको रूपमा प्रयोग गर्ने सकिने होटेल तथा पर्यटन व्यवसायी संघ वीरगन्जका अध्यक्ष हरि पन्तले बताए । 

वीरगन्ज महानगरपालिका, स्थानीय प्रशासन र नारायणी अस्पतालले आइसोलेसनको रूपमा होटेल आवश्यक परेको भन्दै माग गरे एट्याच ट्वाइलेट बाथरुम भएका होटेलहरु उपलब्ध गराउन तयार रहेको उनले बताए ।