टिकटक तथा फेसबुकमार्फत युवाहरूसँग चिनजान गरी अमेरिका लैजाने भनेर ठगी गर्ने दुई युवती पक्राउ परेका छन् ।
आफूहरू अमेरिकाको क्यालिफोर्नियामा बस्दै आएको र बिहे गरेर अमेरिका लैजाने भन्दै ठग्ने बाग्लुङ स्थायी घर भएका २७ वर्षीया कोपिला शर्मा र १९ वर्षीया अमिमा केसीलाई महानगरीय अपराध महाशाखाले पक्राउ गरेको हो ।
दुवैजना भक्तपुरको रोजभिलेजमा बस्नेमा ठगी गरेपछि पछिल्लो समयमा बुटवलमा लुकेर बस्दै आएका थिए ।
पीडितलाई टिकटक तथा फेसबुकमार्फत चिनजान गरेको र आफूहरू डिभी परेर अमेरिका आएको भन्दै उनीहरूले भ्रममा पारेर ठगेको अपराध महाशाखाका एसपी ईश्वर कार्कीले बताए ।
शर्माले डिपाटमेन्ट स्टोर सञ्चालनका लागि भनेर पाँच लाख मागेकी थिइन् । केसीले ऋण तिर्न भनेर पैसा मागेको र पछि उनीहरू सम्पर्कविहीन भएका थिए ।
त्यसरी पैसा लिनुअघि उनीहरूले ती युवकलाई बिहे गरेर अमेरिका लैजाने आश्वासन दिएका थिए ।
केसीले भने पीडितको छोरीलाई मीत लगाई अमेरिका लैजाने विश्वास दिलाएर एक लाख ६० हजार रुपैयाँ लिएको प्रहरीले जनाएको छ ।