ग्लोबल आइएमई बैंकले आकर्षक ब्याजदरमा कर्जा प्रवाह गर्ने योजना ल्याएको छ । बैंकले घर निर्माण गर्न, घर, जग्गा तथा गाडी किन्न र सेयरको धितोमा कर्जा लिन ८.७७ प्रतिशतदेखि ९.४९ प्रतिशतसम्म ब्याजदरको योजना ल्याएको हो ।
ग्लोबल घर कर्जाअन्तर्गत २५ वर्षसम्मको अवधिका लागि ८.७५ प्रतिशत ब्याजदरमा कर्जा दिने भएको छ । यस कर्जाको ब्याजदर १ वर्षसम्म स्थिर रहने बैंकको भनाइ छ । त्यस्तै, ८.९९ प्रतिशतमा गाडी कर्जा र ९.४९ प्रतिशत ब्याजदरमा सेयरको धितोमा कर्जा प्रवाह गर्ने बैंकले जनाएको छ ।
यस योजनामा सहभागी हुने ग्राहकलाई डेबिट–क्रेडिट कार्ड जारी शुल्क र लकर सुविधामा ५० प्रतिशत छुट दिने जनाइएको छ । आवश्यक कागजात पेस गरी कर्जा माग गरेको ३ कार्य दिनभित्र विनाझन्झट कर्जा प्राप्त गर्न सक्ने बैंकले जनाएको छ । ग्लोबल आइएमई बैंकका सम्पूर्ण शाखाबाट यो सुविधा प्राप्त हुने बैंकले जनाएको छ ।