Englishमुख्य समाचारसमाचारदृष्टिकोणफ्रन्ट पेजअर्थअन्तर्वार्तामल्टिमिडियाखेलकुदविश्वकोरोना अपडेटप्रवासकर्नर किकसम्पादकीय१३औँ वार्षिकोत्सव विशेषांकस्वास्थ्य र जीवनशैलीफिचरलाेकसेवाप्रेरक प्रसंग१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०प्रदेशटर्निङ प्वाइन्ट्स-२०१९ब्लग
  • वि.सं २०७७ असोज १४ बुधबार
  • Wednesday, 30 September, 2020
२०७७ श्रावण ६ मंगलबार १३:१८:००
समाचार डिजिटल संस्करण

 अविरल वर्षाले पर्वत कारागारको पर्खाल भत्कियो, महिला कैदीबन्दी अन्यत्र सार्ने तयारी

२०७७ श्रावण ६ मंगलबार १३:१८:००

दुई दिनदेखिको अविरल वर्षाका कारण पर्वत कारागारको पर्खाल भत्किएको छ । कारागारको महिला बन्दीगृहतर्फको मुख्य पर्खाल १० मिटरभन्दा बढी भत्किएको हो । 

पर्खाल भत्किएपछि महिला बन्दीगृहमा समस्या उत्पन्न भएको छ । कारागारमा ९५ जना कैदीबन्दी छन् । जसमध्ये महिला बन्दीगृहको छुट्टै भवन नभए पनि एउटै पर्खालभित्र पार्टेसन गरेर महिलालाई राखिँदै आएको थियो । 

अहिले कारागारमा रहेका महिला कैदीबन्दीलाई छिमेकी जिल्ला बाग्लुङ र बेनीको कारागारमा सार्ने तयारी भइरहेको जेलर हरिकृष्ण शर्माले बताए । 

पर्वत कारागारका सबै संरचना जीर्ण भएका छन् । कारागारमा महिला बन्दीगृह बनाउन सुरु गरिए पनि बजेट अभावमा एक दशकदेखि अलपत्र छ । अलपत्र अवस्थामा रहेको निर्माणाधीन महिला बन्दीगृहको पर्खाल पनि भत्कने अवस्थामा पुगेको छ ।