काेराेना मिटर : संक्रमितकाे संख्या १७ हजार नाघ्याे, मंगलबार थप एक सय १६ जनामा संक्रमण पुष्टि
पछिल्लाे २४ घन्टामा देशभरका २५ वटा प्रयाेगशालामा गरिएकाे परीक्षणमा थप एक सय १६ जनामा काेराेना संक्रमण पुष्टि भएकाे छ ।
नयाँ थपसमेत हालसम्म संक्रमित हुनेको संख्या १७ हजार ६१ पुगेको स्वास्थ्य तथा जनसंख्या मन्त्रालयले जनाएको छ ।
मन्त्रालयको नियमित मिडिया ब्रिफिङमा प्रवक्ता डा. जागेश्वर गौतमले सो अवधिमा चार हजार तीन सय ६१ जनाको नमुना पिसिआर विधिबाट परीक्षण गरिएको जानकारी दिए ।
त्यसैगरी मंगलबार ३४ जना संक्रमणमुक्त भई डिस्चार्ज भएका छन् ।
डिस्चार्ज हुनेको कुल संख्या १० हजार तीन सय २८ पुगेको छ ।
निको हुने प्रतिशत ६० दशमलव ५३ रहेको गौतमले जानकारी दिए ।
सक्रिय संक्रमित भई हाल आइसोलेसनमा ६ हजार ६ सय ९५ र क्वारेन्टाइनमा बस्नेको संख्या २४ हजार सात सय १६ रहेको मन्त्रालयले जनाएको छ ।