काेराेना मिटर : निको भएर डिस्चार्ज एक सय ४७, संक्रमित ८२ थपिए
पछिल्लो २४ घन्टामा थप ८२ जनामा कोरोना संक्रमण पुष्टि भएको छ ।
योसमेत नेपालमा कुल संक्रमितको संख्या १६ हजार आठ सय एक पुगेको छ ।
याे अवधिमा एक सय ४७ जना निकाे भएर डिस्चार्ज भएकाे स्वास्थ्य तथा जनसंख्या मन्त्रालयले जनाएकाे छ ।
हालसम्म संक्रमणमुक्त हुनेको संख्या आठ हजार पाँच सय ८९ पुगेको छ ।
संक्रमित निको हुने प्रतिशत ५१.१ पुगेको गौतमले बताए ।
मन्त्रालयले आइतबार गरेको नियमित मिडिया ब्रिफिङमा प्रवक्ता डा. जागेश्वर गौतमले तीन हजार नौ सय १६ जनाको पिसिआर विधिबाट नमुना जाँच गरिएको बताए ।
हाल कोरोना संक्रमित भएर आइसोलेसनमा बस्नेको संख्या आठ हजार एक सय ७४ र क्वारेन्टाइनमा बस्नेको संख्या २३ हजार सात सय ८४ रहेको गौतमले जानकारी दिए ।
कहाँ, कतिजना थपिए ?
आज थप भएका संक्रमितमा काठमाडौंका ५, ललितपुरका १, झापाका १ मोरङका २, सर्लाहीका १, सिन्धुपाल्चोकका १, धनुषाका १९, चितवनका ५, मकवानपुरका १, सिन्धुलीका १, सोलुखुम्बुका १, बाग्लुङका २, नवलपरासी पूर्वका १, पर्वतका २, स्याङ्जाका १, तनहुँका ६, गोर्खाका १ लमजुङका २, गुल्मीका १, पाल्पाका १, दैलेखका १, रुकुमपश्चिमका २, सुर्खेतका ११, कालिकोटका ७, बझाङका १, डडेलधुराका २, कैलालीका २ र दार्चुला १ जना रहेको मन्त्रालयले जनाएको छ ।