जाजरकोटबाट कर्णाली प्रदेशमा प्रतिनिधित्व गर्ने प्रदेश सभा सदस्यहरूले प्रदेश सरकार बिरामीको उद्धारका लागि गम्भीर नभएको गुनासो गरेका छन् । बारेकोट गाउँपालिका ४ र ६ मा तीनजना गम्भीर घाइते बिरामीहरूको उद्धारमा प्रदेश सरकार गम्भीर नभएको प्रदेश सभा सदस्य गणेशप्रसाद सिंहले जानकारी दिए ।
शुक्रबार मौसमको कारण देखाएर हेलिकोप्टर उडाउन नमानेको प्रदेश सरकारले शनिबार मौसममा सुधार हुँदा पनि उद्धारमा चासो नदिएको अर्का प्रदेश सभा सदस्य करवीर शाहीले बताए । बारेकोटमा तीनजना पहिरोमा परी घाइते भएका छन् । उनीहरूको अवस्था नाजुक बन्दै गएको छ ।