जाजरकोटको बारेकोट गाउँपालिका– ४ सार्कीगाउँमा गएराति पहिरोले दुई घर बगाउँदा १२ जना बेपत्ता भएका छन् । बेपत्ता हुनेहरूमा ५२ वर्षीय गोपाल सार्की, उनकी ५० वर्षीया श्रीमती पुष्षा सार्की, १३ वर्षीया छोरी लक्ष्मी सार्की, ११ वर्षीय छोरा अर्जुन सार्की रहेका छन् ।
अर्को घरका कालु सार्की, उनकी ११ वर्षीया छोरी कमला सार्की, ६ वर्षीय छोरा सुभास सार्की रहेका छन् । त्यस्तै पाहुना आएका कुशे गाउँपालिका– ९ चौताराका २० वर्षीय डिल्ली सार्की, १४ वर्षीया गौरी सार्की, १६ वर्षीया कविता सार्की, १८ वर्षीय वीरेन्द्र सार्की बेपत्ता भएको बारेकोट गाउँपालिका– ४ का सचिव गोविन्द पुनले जानकारी दिए ।
घटनास्थलतर्फ प्रहरी जाँदै गरेको जाजरकोटका डिएसपी किशोर श्रेष्ठले जानकारी दिए । त्यसैगरी वडा नं. ५ को खर्क तेलचउरेस्थित धानखेत पहिरोले पुरेको बारेकोट गाउँपालिकाका प्रमुख प्रशासकीय अधिकृत गोविन्द सिंहले जानकारी दिए ।