सरिता गिरीलाई सांसद र पार्टी सदस्यबाट हटाउने समाजवादी पार्टीले निर्णय गरेको छ ।
पार्टीका महासचिव रामसहायप्रसाद यादवको संयोजकत्वमा गठन भएको छानबिन समितिले उनलाई दुवै पदबाट हटाउन सिफारिस गरेको हो ।
सरकारले लिम्पियाधुरा, कालापानी र लिपुलेक समेटिएको नयाँ नक्साअनुसार निसान छाप परिवर्तन गर्न ल्याएको संविधान संशोधन विधेयकमा गिरीले दर्ता गराएको संशोधन प्रस्ताव पार्टीकाे निर्देशनविपरीत फिर्ता लिन नमानेपछि उनलाई कारबाही गरिएको हो ।
समितिको सिफारिसका आधारमा पार्टीले गिरीलाई कारबाही गर्ने निर्णय गरेको समाजवादीका सांसद मोहम्मद इस्तियाक राईले जानकारी दिए ।