पछिल्लो २४ घन्टामा देशभरका २५ वटा प्रयोगशालामा गरिएको परीक्षणमा थप दुई सय चारजनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार मंगलबार थप भएकासमेत नेपालमा हालसम्म संक्रमितको संख्या १६ हजार एक सय ६८ पुगेको छ । 

यो अवधिमा ६ सय ८८ जना निको भएर डिस्चार्ज भएको मन्त्रालयका प्रवक्ता डा. जागेश्वर गौतमले बताए ।

हालसम्म निको भएर डिस्चार्ज हुनेको संख्या सात हजार चार सय ९९ पुगेको छ । गौतमले संक्रमितमध्ये ४६ दशमलव ४ प्रतिशत निको भएको उल्लेख गरे ।

मंगलबार ६ हजार एक सय ३३ जनाको पिसिआर विधिबाट नमुना परीक्षण गरिएको उनले जानकारी दिए । 

मन्त्रालयका अनुसार हाल संक्रमित भई आइसोलेसनमा बस्नेको संख्या आठ हजार ६ सय ३४ छ भने क्वारेन्टाइनमा २५ हजार सात सय २७ जना छन् ।