चितवनमा एक पुरुषको शव बोराभित्र फेला परेको छ । पूर्व–पश्चिम राजमार्गनजिकै भरतपुर महानगरपालिका– १० स्थित मैयादेवी कन्या कलेजअगाडि झाडीमा बोराभित्र बेवारिसे शव फेला परेको हो ।
शवको मुचुल्का उठाउने काम भइरहेको जिल्ला प्रहरी कार्यालय चितवनका प्रवक्ता एवं डिएसपी सूर्यबहादुर थापाले जानकारी दिए । उनका अनुसार अहिले उनको पहिचानको खोजी भइरहेको छ । घटनाको थप विवरण आउन बाँकी छ ।