- वि.सं २०८१ बैशाख ८ शनिबार
सरकारले आज नेपाल प्रहरीमा नयाँ महानिरीक्षक नियुक्तिको तयारी गरेको छ । प्रहरी महानिरीक्षक ठाकुरप्रसाद ज्ञवालीले बुधबारदेखि अवकाश पाउन लागेकाले नयाँ महानिरीक्षक नियुक्त गर्न लागिएको हो ।
दिउँसो ४ बजे मन्त्रिपरिषद्को बैठक बोलाइएको छ । महानिरीक्षक नियुक्तिसम्बन्धी प्रस्ताव ल्याउन निर्देशन आएको गृह मन्त्रालय स्रोतले बतायो ।
एआइजीद्वय शैलेश थापा क्षेत्री र हरिबहादुर पाल नेपाल प्रहरीको २८औँ महानिरीक्षकको प्रतिस्पर्धी हुन् ।
एआइजीमध्ये जसलाई पनि नियुक्त गर्न सक्ने प्रावधान प्रहरी नियमावलीमा छ । दिउँसो ४ बजे मन्त्रिपरिषद् बैठक बस्न लागेको, तर एजेन्डा प्राप्त भइनसकेको कानुनमन्त्री डा. शिवमाया तुम्बाहाङ्फेले बताइन् ।
