फास्ट ट्रयाकमा पर्ने जग्गामा धान रोप्न खाेज्ने स्थानीय र प्रहरीबीच शनिबार झडप भएको छ ।

विकासका नाममा उर्वर भूमि विनाश गर्न खाेजिएकाे भन्दै विराेधमा धान रोपिरहेका किसानलाई प्रहरीले अवरोध गरेपछि झडप भएको हो । किसान सामूहिक रूपमा धान रोप्न गएका थिए ।

‘फास्ट ट्रयाक चाहिँदैन किसान मार्न पाइँदैन’, ‘भूमाफिया होसियार’, ‘सम्पूर्ण किसान एक होऔँ’ भन्ने नारा लगाएर प्रहरीलाई ढुंगामुडा प्रहार गरेपछि झडपको अवस्था आएको हो ।