पाकिस्तानका विदेशमन्त्रीलाई कोराेना संक्रमण पुष्टि
पाकिस्तानका विदेशमन्त्री शाह मोहम्मद कुरेसीलाई कोरोना संक्रमण पुष्टि भएको छ ।
लक्षणका आधारमा परीक्षण गर्दा शुक्रबार उनलाई कोरोना संक्रमण पोजेटिभ देखिएको अधिकारीहरूले जानकारी दिएका छन् ।
कोरोना भाइरसबाट संक्रमित पुष्टि भए पनि विदेशमन्त्री कुरेसीले घरमा अलग्गै बसेर काम गर्ने भएका छन् ।
‘सुरुमा मलाई ज्वरो देखियो, त्यसपछि म छुट्टै बसेर कोरोना परीक्षण गराएँ, नतिजामा संक्रमण देखियो, म अब सेल्फ क्वारेन्टाइनमै बस्छु र म यहीँबाटै काम पनि गर्छु,’ संक्रमण पुष्टि भएपछि उनले सामाजिक सञ्जाल ट्विटरमा लेखेका छन् ।
पछिल्लो विवरणअनुसार पाकिस्तानमा दुई लाख २३ हजार सात सय २८ जनामा कोरोना संक्रमण पुष्टि भएको छ । संक्रमणबाट त्यहाँ चार हजार पाँच सय ९२ जनाको मृत्यु भएको छ ।