स्वास्थ्यकर्मीमा कोरोना संक्रमण भएपछि सुलिकोट गाउँपालिकाका कार्यालय पाँच दिनका लागि बन्द
गोरखाको बारपाक सुलिकोट गाउँपालिकामा एकजना स्वास्थ्यकर्मीमा कोरोना संक्रमण पुष्टि भएसँगै गाउँपालिकाका सबै कार्यालय बन्द गरिएको छ ।
कोरोना भाइरसको थप जोखिम न्यूनीकरणका लागि १७ असारदेखि २१ असारसम्मका लागि स्वास्थ्य चौकीहरूबाहेकका सबै कार्यालयहरू बन्द गर्ने निर्णय भएको गाउँपालिकाद्वारा मंगलबार जारी गरिएको विज्ञप्ति उल्लेख छ ।
गाउँपालिकाको सूर्य ज्योति माविको क्वारेन्टाइनमा रहेका एकजनासहित स्वास्थ्य कार्यालयमा कार्यरत स्वास्थ्यकर्मीलाई पनि कोरोना संक्रमण पुष्टि भएको गाउँपालिका अध्यक्ष विष्णु भट्टले जानकारी दिए ।
उनका अनुसार यही १३ असारमा कन्ट्रयाक ट्रेसिङका क्रममा उनीहरूको पिसिआर परीक्षणका लागि राष्ट्रिय जनस्वास्थ्य प्रयोगशाला टेकु पठाइएको थियो ।
स्वास्थ्यकर्मी सम्पर्क रहेको कर्मचारीहरूसहित अन्यको कन्ट्रक्याट ट्रेसिङका लागि पनि पहल भइरहेको उनले जानकारी दिए ।
बारपाक सुलिकोटका दुईजना कोरोना संक्रमणको पुष्टि भएको बुधबार गण्डकी प्रदेशको स्वास्थ्य निर्देशनालयले जानकारी दिएको छ ।