कोरोना भाइरस संक्रमण रोकथामका लागि सरकारले जारी गरेको लकडाउनका कारण तीन महिनादेखि देशभरका सबै विद्यालय बन्द छन् । विद्यालय बन्द भए पनि नयाँ शैक्षिक सत्र सुरु भएसँगै सरकारले बालबालिकाको हातहातमा किताब पुऱ्याउने घोषणा गरेको छ ।
यही क्रममा मंगलबार विराटनगर महानगरपालिका– १२ स्थित बखरी गाउँका विद्यार्थीे नयाँ पुस्तक पाएका छन् । विद्यालय नगएको तीन महिनापछि नयाँ पाठयपुस्तक पाउँदा उनीहरू खुसीले गदगद् भएका छन् । विद्यालय जानबाट वञ्चित भएका बालबालिकामा उत्साह जगाउन विराटनगरको बखरी आधारभूत प्राविले विद्यार्थीलाई बोलाएर नयाँ पाठयपुस्तक वितरण गर्न थालेको हो । नयाँ पाठयपुस्तकले बालबालिकामा घरमै हेर्ने र पढ्नमा अभिरुचि पैदा गर्ने विश्वास लिएको प्रधानाध्यापक विदयान्द कामतले बताए ।