Read Time : < 1 मिनेट
२०७७ असार १५ सोमबार २२:११:००
इरानले अमेरिकी राष्ट्रपति डोनाल्ड ट्रम्पसमेत ३५ व्यक्तिका विरुद्ध गिरफ्तारी वारेन्ट जारी गरेको छ । यो विषयमा इरानले इन्टरपोलको समेत सहयोग मागेको छ ।
समाचार एजेन्सी रोयटर्सले इरानको फार्स न्युजलाई उद्धृत गर्दे इरानका सरकारी वकिल अलि अल कासिम मोहरले यस्तो जानकारी दिएको उल्लेख गरेको छ । इरानले यस्तो वारेन्ट आफ्ना सैन्य कमान्डर कासिम सुलेमानीको हत्याको आरोपमा जारी गरेको हो । इरानी कुर्द सेनाका प्रमुख सुलेमानी ३ जनवरीमा अमेरिकी ड्रोन हमलामा मारिएका थिए ।
अमेरिकाले खाडी देशका अमेरिकी सैन्य शिविरमा भएका हमलामा सुलेमानीको हात रहेको बताएको थियो ।
