समाचार
पहिरोमा पुरिएको अवस्थामा एक वृद्धको शव फेला
Read Time : < 1 मिनेट
२०७७ असार १२ शुक्रबार १३:४२:००
सल्यानमा एक वृद्ध पहिरोमा पुरिएको अवस्थामा फेला परेका छन् ।
जिल्लाको कालिमाटी गाउँपालिका– ६ निवासी अन्दाजी ७० वर्षीय वृद्धको शव पहिरोमा पुरिएको अवस्थामा फेला परेको जिल्ला प्रहरी कार्यालय सल्यानका प्रहरी प्रमुख डिएसपी ढकेन्द्र खतिवडाले जानकारी दिए ।
मृतकको शव कम्मरभन्दा माथिको भागसम्म पुरिएको वस्थामा फेला परेको प्रहरीले जनाएको छ ।
९ असारको बिहान घाँस काट्न जान्छु भनी घरबाट उनी निक्लिएको र त्यसपछि घर नफर्किएपछि परिवारले खोजतलास शुरु गरेको थियो ।
घरबाट निस्किएको तीन दिनपछि बिहीबार नजिकैको डाङडङे खोलाको पहिरोले पुरिएको अवस्थामा शव फेला परेको प्रहरीले जनाएको छ ।
घटनाबारे थप अनुसन्धान भइरहेको प्रहरीले जनाएको छ ।
