कर्णाली प्रदेश अस्पतालमा कार्यरत नौ चिकित्सक तथा स्वास्थ्यकर्मीमा कोरोना भाइरस संक्रमण देखिएपछि आकस्मिकबाहेकका सबै सेवा बन्द भएको छ । बिहीबार अस्पतालमा कार्यरत नौजना चिकित्सक तथा स्वास्थ्यकर्मीमा कोरोना संक्रमण देखिएको थियो ।  

चिकित्सक तथा स्वास्थ्यकर्मीमा कोरोना संक्रमण देखिएपछि सेवा लिन आउने सेवाग्राहीलाई संक्रमण नफैलियोस् भनेर केही दिनका लागि बन्द गरेको अस्पतालका निर्देशक डम्बर खड्काले बताए । ‘केही दिनका लागि आकस्मिकबाहेकका अन्य सेवा बन्द गरिएको छ,’ उनले भने, ‘कोरोना संक्रमण फैलावट हेरेर अस्पताल पुनः सञ्चालनमा आउनेछ ।’