कालापानी, लिपुलेक, लिम्पियाधुरा समेटिएको नयाँ नक्सासहितको निसान छाप राख्न सरकारले ल्याएको संविधान संशोधन विधेयक खारेज गर्न जनता समाजवादी पार्टीकी सांसद सरिता गिरीले संशोधन प्रस्ताव दर्ता गरेकी छिन् । उनले बुधबार संसद् सचिवालयमा संशोधन प्रस्ताव दर्ता गरेकी हुन् । 

सरकारी विधेयकमा तथ्य र प्रमाण नपुगेकाले संशोधन गर्नुपरेको उनले उल्लेख गरेकी छिन् । संविधानको धारा ९ को उपधारा २ बमोजिम अनुसूची ३ मा राखिएको निसान छाप परिवर्तन गर्ने प्रस्तावसहित सरकारले विधेयक दर्ता गराएको थियो । 

सरकारी विधेयक प्रतिनिधिसभाबाट सर्वसम्मतिले स्वीकृत भएसँगै संशोधन गर्न सांसदहरूले ७२ घन्टाको समय पाउनेछन् । 

प्रतिनिधिसभाबाट  संविधान संशोधन प्रस्ताव सर्वसम्मतिले स्वीकृत भएको छ। मंगलबार सभामुखले संविधान संशोधन प्रस्ताव स्वीकृत भएको घोषणा गरेका हुन् ।