प्रधानमन्त्री केपी शर्मा ओलीले सरकारको कामबाट शतप्रतिशत सन्तुष्ट नभए पनि अधिकतम सन्तुष्ट रहेको बताएका छन् ।
संसदमा सांसदहरूले उठाएका प्रश्नको बुधबार जवाफ दिँदै उनले जस्तो परिस्थितिमा सरकार गठन र चलेको छ, यस्तो अवस्थामा पनि अधिकतम काम गर्न सकेको भन्दै सन्तुष्टि जनाएका हुन् ।
‘अहिलेको कठिन परिस्थितिमा योभन्दा बढी गर्न सकिँदैनथ्यो,’ प्रधानमन्त्री ओलीले भने, ‘सरकारले अधिकतम काम गरेकाे छ, उपलब्धिहरूको चर्चा ओझेलमा पार्ने र अनेक–कनेक कुरा गर्न थालिएको छ ।’