Read Time : < 1 मिनेट
२०७७ जेठ २८ बुधबार १३:००:००
कालिकोट जिल्ला नरहरिनाथ गाउँपालिका– १ लालीघाटको कर्णाली करिडोरअन्तर्गत भएकाे टिपर दुर्घटना हुँदा दुईजनाको मृत्यु भएको छ । करिब ३९ जना सवार ना.८ख ५१३३ नम्बरको टिपर कर्णाली नदीमा खसेको हो ।
२२ जना यात्रुको सकुशल उद्धार गरिएको र ६ जना बेपत्ता रहेको जिल्ला प्रहरी कालिकोटका प्रमुख श्यामबाबु ओलियाले बताए । दुर्घटनामा अन्य नाैजना घाइते भएका छन् । बेपत्ताको खोजीकार्य जारी छ । घाइतेलाई उपचारका लागि जिल्ला अस्पताल लगिएको ओलियाले बताए । टिपरचालक भने फरार रहेको प्रहरीले जनाएको छ ।
