अर्थमन्त्री डा. युवराज खतिवडाले अमेरिकी सहयोग परियोजना, एमसिसी अहिले मात्रै बजेटमा प्रवेश गरेको नभई विगत तीन वर्षदेखि निरन्तर आइरहेको बताएका छन् । 

बजेटबारे सांसदहरूले राखेको जिज्ञासालाई सम्बोधन गर्ने क्रममा सोमबार प्रतिनिधिसभामा उनले भने, ‘एमसिसीको सहयोगमा हामीले बजेटमा गत तीन वर्षदेखि नै निरन्तर केही कार्यक्रमहरू गर्दै आएका छौँ । आगामी वर्षको बजेटमा पनि त्यो कार्यक्रम राखिएको छ ।’

एमसिसीको रकम संसदमा विचाराधीन रहेकाले सम्झौतापत्र संसद्ले अनुमोदन गरेपछि मात्रै निकासा हुने पनि उनले जानकारी गराए । 

त्यो नगरुन्जेल यो रकम यथावत् नै रहने उनको भनाइ थियो । 

‘यसबारे सम्माननीय प्रधानमन्त्रीज्यूले नेपाल सरकारको नीति तथा कार्यक्रमको छलफलमा उठेको प्रश्नको जवाफ दिँदा यथेष्ट मात्रामा जवाफ दिइसक्नुभएको छ,’ उनले भने ।