नेपालगन्जबाट सल्यान आउँदै गरेको फोर्स गाडी अगैयामा दुर्घटना हुँदा ११ जनाको ज्यान गएको छ भने २२ जना  घाइते भएका छन् ।

घाइतेमध्ये चारजनाको अवस्था गम्भीर छ । भारतबाट आएका नेपालीलाई लिएर आइतबार राति १२ बजेतिर नेपालगन्जबाट सल्यानका लागि छुटेको ना.५ख ५९९५ को साे गाडी राप्ती सोनारी– २ मा दुर्घटना भएको हो ।

बाँकेका प्रमुख जिल्ला अधिकारी रामबहादुर कुरुम्वाङका अनुसार मृतकको केहीबेरमा सनाखत हुँदै छ । गाडीमा सल्यानको छत्रेश्वरी र बागचौरका धेरै भएकाे बताइएकाे छ । दुर्घटनाको थप विवरण आउन बाँकी छ ।