सिफारिसमुख्य समाचारसमाचारदृष्टिकोणफ्रन्ट पेजअर्थमल्टिमिडियाअन्तर्वार्तानयाँCityखेलकुदविश्वकोरोना अपडेटप्रवासब्लगकर्नर किकसम्पादकीयस्वास्थ्य र जीवनशैलीराजनीति१३औँ वार्षिकोत्सव विशेषांकसाहित्यब्लाे अपशिक्षापर्यटनसेयर बजारफिचरलाेकसेवाप्रेरक प्रसंग१२औँ वार्षिकोत्सव विशेषांकसप्तरंगप्रविधि
  • वि.सं २०७७ असार २७ शनिबार
  • Saturday, 11 July, 2020
२०७७ जेठ १६ शुक्रबार १२:०५:००
समाचार

ग्यास लिक भएर आगलागी हुँदा पाँच घाइते

२०७७ जेठ १६ शुक्रबार १२:०५:००

काभ्रेको बनेपा नगरपालिका– ७ स्थित रुकेश ठकुरीको घरमा शुक्रबार ग्यासपाइप लिक भएर आगलागी हुँदा पाँचजना घाइते भएका छन् ।

घरको तेस्रो तलामा रहेको भान्साकाेठामा ग्यासको पाइप लिक हुँदा आगलागी भएको इलाका प्रहरी कार्यालय बनेपाका प्रहरी निरीक्षक योगेन्द्र तिमिल्सिनाले बताए ।

आगलागीबाट घरधनी २६ वर्षीय रुकेश ठकुरी, उनकी श्रीमती २४ वर्षीय साेफिया ठकुरी, १८ महिनाकी छोरी रचना ठकुरी, उनका आफन्त १५ वर्षीय आयुश शाह ठकुरी र १४ वर्षीय अनिष शाह ठकुरी घाइते भएको प्रहरीले जनाएको छ । 

घाइतेलाई उपचारार्थ तत्काल बनेपास्थित शिर मेमोरियल अस्पतालमा लगिएको र थप उपचारका लागि काठमाडाैंको कीर्तिपुर वर्न सेन्टरमा रेफर गरेको प्रहरी निरीक्षक तिमिल्सिनाले जानकारी दिए ।

आगलागीबाट भान्साकोठा जलेर पूर्ण रूपमा क्षति भएको छ ।