डिल्लीबजार कारागारमा झडप भएको छ । कैदीबन्दीबीच झडप हुँदा कारागारभित्रका सबै सामान तोडफोड भएका छन् । 

लकडाउनमा आफन्त भेट्न नआएको र पैसाको अभाव हुँदै गएपछि झडप भएको हुन सक्ने कारागारका प्रहरी निरीक्षक पुरुषाेत्तम थपलियाले बताए ।

प्रहरी निरीक्षक थपलियाका अनुसार अहिले स्थितिलाई नियन्त्रणमा लिन सयौँको संख्यामा प्रहरी परिचालन गरिएको छ । साथै कारागारवरिपरि सिल गरिएको छ । यसबारे थप विवरण आउन बाँकी छ ।