सीमा व्यवस्थापनलाई प्रभावकारी बनाउन आवश्यक पूर्वाधार र जनशक्तिसहित थप बोर्डर आउट पोस्ट स्थापना गरिने भएको छ ।
त्यसैगरी अध्यागमन प्रणालीलाई अत्याधुनिक र प्रविधिमैत्री बनाइने भएको छ ।
नेपाल प्रवेश गर्ने सबै विदेशी नागरिकको अभिलेखलाई थप व्यवस्थित गरिने जनाइएको छ ।
शुक्रबार सरकारको नीति तथा कार्यक्रम प्रस्तुत गर्दै राष्ट्रपति विद्यादेवी भण्डारीले सीमा सुरक्षाका लागि सरकारले बिओपी थप्ने गरी तयारी गरिरहेकोसमेत जानकारी दिइन् ।