सरकारले नवलपरासीस्थित धौवादी फलामखानी आगामी आर्थिक वर्षभित्रै सञ्चालनमा ल्याउने भएको छ ।
राष्ट्रपति विद्यादेवी भण्डारीले सरकारको वार्षिक नीति तथा कार्यक्रम संसदमा प्रस्तुत गर्दै आगामी आवभित्रै त्यहाँ पूर्वाधार तथा मेसिनरी जडान गरिने बताइन् ।
‘देशभित्र रहेका खानीस्थलको अध्ययन र अन्वेषण कार्य अघि बढाएको छ, धौवादी फलाम कम्पनी स्थापना भएको छ,’ उनले भनिन्, ‘व्यावसायिक उत्पादनका लागि परीक्षण कार्य सम्पन्न भएको छ, आगामी आर्थिक वर्षमा पूर्वधार निर्माण तथा मेसिनरी जडान गरी उत्पादन सुरु गरिनेछ ।’