सिफारिसमुख्य समाचारसमाचारदृष्टिकोणफ्रन्ट पेजअर्थमल्टिमिडियाअन्तर्वार्तानयाँCityखेलकुदविश्वकोरोना अपडेटप्रवासब्लगकर्नर किकसम्पादकीयस्वास्थ्य र जीवनशैलीराजनीति१३औँ वार्षिकोत्सव विशेषांकसाहित्यब्लाे अपशिक्षापर्यटनसेयर बजारफिचरलाेकसेवाप्रेरक प्रसंग१२औँ वार्षिकोत्सव विशेषांकसप्तरंगप्रविधि
  • वि.सं २०७७ असार ३१ बुधबार
  • Wednesday, 15 July, 2020
रमेश रावल वीरेन्द्रनगर
२०७७ बैशाख २७ शनिबार १८:१८:००
समाचार

वडाध्यक्षको कुटाइबाट गाउँपालिका अध्यक्ष घाइते

रमेश रावल, वीरेन्द्रनगर
२०७७ बैशाख २७ शनिबार १८:१८:००

कालिकोटको पलाँता गाउँपालिका अध्यक्ष लक्ष्मणबहादुर बम वडाध्यक्षको कुटाइबाट घाइते भएका छन् । पलाँता गाउँपालिका– २ का वडाध्यक्ष मानबहादुर भण्डारीले गाउँपालिका अध्यक्षलाई कुटेर घाइते बनाएका हुन् ।

पलाँता गाउँपालिका– २ को ग्रामीण सडक योजनाको उपभोक्ता समिति गठन गर्ने क्रममा वडाध्यक्ष भण्डारी, नेपाल कम्युनिस्ट पार्टी (नेकपा)का गाउँपालिका अध्यक्ष विष्णु रोकाया र स्थानीय नेकपा नेता धनीराम भण्डारीले गाउँपालिका अध्यक्ष बमलाई कुटपिट गरेको कर्णाली प्रदेश प्रहरी कार्यालयका प्रवक्ता लोकनाथ तिमिल्सेनाले जानकारी दिए ।

‘बिहान ११ बजेतिर गाउँमा उपभोक्ता समिति गठनसम्बन्धी छलफल भइरहेको वेला वडाध्यक्ष भण्डारीलगायतको टोलीले गाउँपालिका अध्यक्ष बममाथि एक्कासि आक्रमण गरेकाे हाे,’ उनले भने, ‘आक्रमणमा गाउँपालिका अध्यक्ष बम, उनकी श्रीमती र भतिजा सामान्य घाइते भएका छन् ।’ घाइतेको स्थानीय स्वास्थ्य चौकीमा उपचार भइरहेको र अवस्था सामान्य रहेको तिमिल्सेनाले जानकारी दिए ।

अहिलेसम्म घटनामा संग्लन कोही पनि पक्राउ नपरेको जिल्ला प्रहरी कार्यालय कालिकोटले जनाएको छ । गाउँपालिका अध्यक्ष बम र वडाध्यक्ष भण्डारी दुवैजना पूर्वमाओवादी केन्द्रबाट विजयी भएका थिए ।