नेकपा स्थायी कमिटी सदस्य एवं प्रदेश ५ का मुख्यमन्त्री शंकर पोखरेलले पार्टी एकता जोगाउन नेतृत्वलाई गम्भीर र जिम्मेवार बन्न आग्रह गरेका छन् । नेकपाभित्र शक्तिसंघर्ष चलिरहेका वेला विभिन्न आन्तरिक संवादमा सक्रिय मुख्यमन्त्री पोखरेलको यस्तो आग्रह आएको हो ।
मंगलबार दिउँसो उनले फेसबुकमा लेखेका छन्, ‘पार्टी एकताको मूलमर्म सहमति र सहकार्य हो । लाखौँ कार्यकर्ताको भविष्य जोडिएको पार्टी एकता जोगाउन नेतृत्व गम्भीर र जिम्मेवार हुने नै छ।’
नेकपा विवाद जटिल बन्दै गएपछि मुख्यमन्त्री पोखरेल शुक्रबार बुटवलबाट काठमाडौं आएका थिए । काठमाडौं आएलगत्तै उनले राजनीतिक भेटघाट सुरु गरेका थिए ।