कोरोना संक्रमण फैलिन नदिन सरकारले घोषणा गरेको लकडाउन उल्लंघन गर्ने ११ सय ११ जनालाई प्रहरीले काठमाडौं उपत्यकाबाट नियन्त्रणमा लिएको छ । नियन्त्रणमा लिएकामा आठ सय ३१ जना पुरुष तथा दुई सय ८० जना महिला छन् ।
महानगरीय ट्राफिक महाशाखाले लकडाउन उल्लंघन गर्ने ९८ सवारीसाधनलाई पनि नियन्त्रणमा लिएको जनाएको छ । गृह मन्त्रालयले सोमबार लकडाउन कडाइका साथ लागू गर्न ७७ बटै जिल्ला प्रशासन कार्यालयलाई परिपत्र गरेको थियो ।गृह मन्त्रालयको निर्देशसँगै प्रहरीले आवतजावतमा थप कडाइ गरेको छ ।
लकडाउनका कारण समस्यामा परेकाहरू अहिलेसम्म घर फर्किसकेकाले अब भने लकडाउनलाई कडाइ साथ पालना गराउन गृह मन्त्रालयले निर्देशन दिएकाले थप कडाइ अपनाउन थालेको प्रहरी स्रोतले जनाएको छ ।