समाचार
सल्यानमा विप्लव नेकपाका एक कार्यकर्ता पक्राउ
Read Time : < 1 मिनेट
२०७७ बैशाख १३ शनिबार ११:४७:००
विप्लव नेतृत्वको नेकपाका एक कार्यकर्तालाई सल्यानबाट प्रहरीले पक्राउ गरेको छ ।
कुमाख गाउँपालिका– २ स्विकोटनिवासी ४६ वर्षीय भीमबहादुर रावतलाई नियन्त्रणमा लिएको प्रहरीले जनाएको छ ।
गत असोज १७ गते उनको घरमा पेस्तोल फेला परेपछि उनीविरुद्ध हातहतियार तथा खरखजाना मुद्दा दायर भएको थियो ।
सोही आरोपमा उनलाई पक्राउ गरिएको जिल्ला प्रहरी कार्यालयका प्रहरी प्रमुख डिएसपी ढकेन्द्र खतिवडाले जानकारी दिए ।
पुरानो मुद्दा भएकाले रावतलाई लकडाउनको समयमा घरमा लुकी बसेको सूचनाको आधारमा नियन्त्रणमा लिएको उनले बताए ।