समाचार
प्रदेश १ का छुट्टाछुट्टै स्थानमा तीनजना मृत फेला
Read Time : < 1 मिनेट
२०७७ बैशाख ८ सोमबार २१:३३:००
प्रदेश १ का छुट्टाछुट्टै स्थानमा तीनजना मृत फेला परेका छन् । तेह्रथुम, पाँचथर र झापामा मृत फेला परेका हुन् ।
प्रदेश १ प्रहरी कार्यालयका अनुसार तेह्रथुमको लालीगुराँस नगरपालिका-२ दारेगौँडानजिकै संखुवासभा घर भएका अन्दाजी ४२ वर्षीय पासाङ शेर्पा मृत अवस्थामा फेला परेका हुन् । २० वर्षदेखि चिल्ड्रेन पार्कको टहरामा कामदारका रूपमा बस्दै आएका उनको शव सोमबार दिउँसो फेला परेको थियो ।
यसैगरी पाँचथरको मिक्लाजुङ गाउँपालिका- १ का ४४ वर्षीय वलीबहादुर आङदेम्बे सावाखोलामा डुबेको अवस्थामा मृत फेला परेका छन् । यस्तै झापाको मेचीनगर नगरपालिका– ६ का ५५ वर्षीय चित्रबहादुर गौली बाँसघारीमा मृत फेला परेका छन् ।