एनएमबि बैंक सुर्खेत शाखाले कर्णाली प्रदेश सरकारलाई स्वास्थ्य सुरक्षाका सामग्री हस्तान्तरण गरेको छ । कोरोना भाइरस (कोभिड–१९)को उपचारका लागि बैंकले स्वास्थ्य सुरक्षाका सामग्री हस्तान्तरण गरेको हो । बैंकले कर्णाली प्रदेशका मुख्यमन्त्री महेन्द्रबहादुर शाहीलाई सामग्री हस्तान्तरण गरेको हो ।
कोभिड–१९ रोगविरुद्ध स्वास्थ्य उपचारमा संलग्न चिकित्सकहरूका लागि स्वास्थ्य सुरक्षाका सामग्री (पिपिई)हरू हस्तान्तरण गरिएको बैंकले जनाएको छ । बैंकले १ सय थान पिपिई, मास्क, स्यानिटाइजरलगायतका सामग्रीहरू प्रदेश सरकारलाई हस्तान्तरण गरेको हो ।