पूर्वी नवलपरासीमा गएराति भएको सवारी दुर्घटनामा परी एकजनाको निधन भएको छ । पूर्वी नवलपरासीको गैँडाकोट नगरपालिका– ५ स्थित भित्री सडकखण्डमा दक्षिणबाट उत्तरतर्फ जाँदै गरेको ना.५२प ३९८६ नम्बरको स्कुटर आफैँ अनियन्त्रित भई दुर्घटना हुँदा चालक ५२ वर्षीय टकबहादुर  गुरुङको मृत्यु भएको हो । 

दुर्घटनामा गम्भीर घाइते भएका गुरुङको उपचारको क्रममा गएराति जिल्ला अस्पताल भरतपुरमा निधन भएको जिल्ला प्रहरी कार्यालय नवलपुरका प्रहरी नायव उपरीक्षक मोहनबहादुर खाँणले बताए ।