चट्याङ लागेर ६ जना घाइते
रुकुम पश्चिममा चट्याङ लागेर ६ जना घाइते भएका छन् । मुसीकोट नगरपालिका-३, माछिमिका जितबहादुर ओलीको घरमा बुधबार बिहान ६ बजे चट्याङ लागेर ६ जना घाईते भएको प्रहरीले जनाएको छ ।
घाईते हुनेमा ४ बालबालिका र २ महिला छन् । प्रहरीका अनुसार चट्याङ लागेर जितबहादुरकी २८ वर्षीया श्रीमती कमला खड्का ओली उनका ११ वर्षीय छोरा चिन्तन ओली र ७ वर्षीय छोरा मनन ओली घाइते भएका छन् ।
त्यस्तै जितबहादुरकी भाइबुहारी २५ वर्षीया समिति ओली, उनकी ९ वर्षीया छोरी दुर्गा ओली र ७ वर्षीय छोरा दिपेश ओली घाइते भएको जिल्ला प्रहरी कार्यालयका निमित्त प्रमुख प्रहरी निरीक्षक प्रमोदकुमार क्षेत्रीले जानकारी दिए । उनका अनुसार घाइते सबैको अवस्था सामान्य छ । घाइते सबैको जिल्ला अस्पताल सल्लेमा उपचार भइरहेको छ ।