पूर्वप्रधानमन्त्री एवं प्रमुख प्रतिपक्षी दल नेपाली कांग्रेसका सभापति शेरबहादुर देउवाले अहिलेको संकटमा नेपाली र नेपाललाई जोगाउन एक भएर अघि बढ्न आग्रह गरेका छन् ।
उनले आइतबार यसबारे पूर्वप्रधानमन्त्रीहरूसँग टेलिफोन संवादसमेत गरेको जनाएका छन् ।
देउवाले आफ्नो सामाजिक सञ्जाल फेसबुक पेज र ट्विटरमा स्ट्याटस लेख्दै अहिलेको संकटबारे पूर्वप्रधानमन्त्रीहरू लोकेन्द्रबहादुर चन्द, पुष्पकमल दाहाल, माधव नेपाल, झलनाथ खनाल, बाबुराम भट्टराई तथा मन्त्रिपरिषद्का पूर्वअध्यक्ष खिलराज रेग्मीसँग टेलिफोनमा संवाद गरेको जानकारी दिएका छन् ।
देउवाले कोरोना भाइरसले उत्पन्न गरेको संकटबाट नेपाल र नेपालीलाई जोगाउन ऐक्यबद्ध भएर गम्भीर ढंगले कार्य गरौँ भनी अपिलसमेत गरेका छन् ।