प्रहरीले चलाएको गोली लागेर सप्तरीमा एकजनाको मृत्यु भएको छ । बुधबार बिहान रुपनीबाट राजबिराजतर्फ जाँदै गरेको मोटरसाइकलाई रोक्न खोज्दा मोटरसाइकलमा आएका दुई व्यक्तिले प्रहरीलाई फायरिङ गरेपछि प्रहरीको जवाफि फायरिङबाट मोटरसाइकल चालक दीपेन्द्र चौधरीको घटनास्थलमै मृत्यु भएको छ । मोटरसाइकलमा पछाडि बसेका एक व्यक्ति भने भागेका छन् ।
प्रहरीलाई देख्नेवित्तिकै दीपेन्द्र चाैधरीले एक राउण्ड फायरिङ गरेको र प्रहरीले पनि जवाफि फायरिङ गर्दा उनकाे घटनास्थलमै मृत्यु भएको सप्तरीका प्रमुख जिल्ला अधिकारी सुरेन्द्र पौडेलले नयाँ पत्रिकालाई जानकारी दिए ।
मोटरसाइकलमा आएका समुहकाे गोली प्रहारपछि एक प्रहरी हवल्दार घाइते भएका छन् ।