कोरोना भाइरस संक्रमणको आशंकामा राष्ट्रिय जनस्वास्थ्य प्रयोगशालामा हालसम्म १२ सय ७७ को नमुना परीक्षण गरिएको स्वास्थ्य तथा जनसंख्या मन्त्रालयले जनाएको छ ।
शुक्रबार मन्त्रालयले गरेको नियमित पत्रकार सम्मेलनमा मन्त्रालयका प्रवक्ता डा. विकास देवकोटाले देशभर एक सय २० जनाकाे आइसाेलेसनमा राखेर उपचार भइरहेको पनि जानकारी दिए ।
जसमध्ये उपत्यकाभित्र १५ जना र उपत्यकाबाहिर एक सय पाँचजना रहेका छन् ।
कोरोनाको आशंकामा उपत्यकाबाहिर धरानमा ३९, हेटौँडामा पाँच, धनगढीमा चार, सुर्खेतमा सात, जनकपुरमा पाँच र पोखरामा १९ जनाको नमुना परीक्षण गरिएको देवकोटाले जानकारी दिए ।
नेपालमा हालसम्म ६ जनामा कोरोना पोजेटिभ देखिएको छ । जसमध्ये एकजनामा निको भइसकेकाे छ । दुईजना टेकुस्थित शुक्रराज ट्रपिकल तथा सरुवारोग अस्पतालमा उपचाररत छन् ।
अर्का एकजनाको धनगढीको सेती प्रादेशिक अस्पताल र अरू दुईजनाको बाग्लुङको धौलागिरि अञ्चल अस्पतालमा उपचार भइरहेको छ ।
उपचाररत सबैको स्वास्थ्य अवस्था सामान्य रहेको प्रवक्ता देवकोटाले जानकारी दिए ।