सरकारले स्थापना गरेको ‘कोरोना रोकथाम तथा नियन्त्रण कोष’मा नेपाल आयल निगमले ५० करोड रुपैयाँ सहयोग गरेको छ । 

निगमले बिहीबार एक विज्ञप्ति जारी गर्दै कोषमा उक्त रकम सहयोग गरेको जनाएको हो । 

राष्ट्रिय विपत्तिको समयमा नेपाल सरकारलाई सहयोग गर्ने निगमको दायित्व भएकाले उक्त सहयोग गरिएको निगमले जनाएको छ । 

सरकारले समेत कोषमा सहयोग गर्न सार्वजनिक आह्वान गरेकाले निगम सञ्चालक समितिको बुधबार बसेको बैठकबाट ५० करोड रुपैयाँ कोषलाई सहयोग गर्ने निर्णय गरिएको निगमले जनाएको छ । 

बिहीबार उक्त रकमबराबरको चेक प्रधानमन्त्री तथा मन्त्रिपरिषद्को कार्यालयलाई हस्तान्तरण गरिएको निगमले जानकारी दिएको छ ।