समाचार
चीनबाट ल्याइएका स्वास्थ्य सामग्री प्रदेश ५ का सबै जिल्लामा पठाइयो
Read Time : < 1 मिनेट
२०७६ चैत १८ मंगलबार २१:४७:००
कोरोना रोकथाम तथा नियन्त्रणका लागि प्रदेश ५ मा ल्याइएका स्वास्थ्य सामग्रीहरू मंगलबार सबै जिल्लामा पठाइएको छ ।
चीनबाट ल्याइएका सामग्री काठामाडौंबाट ल्याएर सबै जिल्लामा मंगलबार पठाइएको हाे । प्रदेश ५ का मुख्यमन्त्री शंकर पोखरेलका प्रेस सल्लाहकार शेरबहादुर केसीका अनुसार ती सामग्री चारवटा आइसोलेसन अस्पताल, १२ वटा जिल्ला अस्पताल, चिसापानी, लमही, बहादुरगन्ज र पिपरा अस्पतालमा वितरण गरिएको छ ।
जसमा मास्क २१ हजार ६ सय, एन–९५ मास्क दुई सय ८० थान पठाइएको छ । त्यस्तै, लुज ग्लोभ १६ हजार थानलगायत अन्य स्वास्थ्य सामग्री पनि पठाइएको छ ।