समाचार
राज्यमन्त्रीले फोन सार्वजनिक गर्दै भने- केही समस्या भए सीधै फोन गर्नुहोस्
Read Time : < 1 मिनेट
२०७६ चैत १८ मंगलबार १५:०२:००
सहरी विकास राज्यमन्त्री रामवीर मानन्धरले लकडाउनका कारण समस्यामा परेकालाई सीधै आफूसँग सम्पर्क गर्न आग्रह गरेका छन् ।
काठमाडौंभित्र समस्यामा परेका सर्वसाधारणलाई सहजीकरणका लागि आफू तयार रहेको मन्त्री मानन्धरको भनाइ छ ।
काठमाडौं– ७ का निर्वाचित सांसद मन्त्री मानन्धरले आफूसँग सीधै सम्पर्क गर्न भन्दै मोबाइल नम्बरसमेत सार्वजनिक गरेका छन् ।
मन्त्री मानन्धरले आफ्नो मोबाइल नम्बर ९८५११५९५९२ मा सीधै सम्पर्क गर्न वा आफ्नो सचिवालयका कर्मचारीसँग सम्पर्क गर्न आग्रह गरेका छन् ।
घरभित्रै बसेर सरकारले गरिरहेको पहललाई साथ दिन आमनागरिकलाई मन्त्री मानन्धरको आग्रह छ ।