लमजुङमा नाै सय बेड क्षमताको क्वारेन्टाइन निर्माण
लमजुङमा सबै स्थानीय तहमा गरेर नाै सय चार बेड क्षमताका क्वारेन्टाइन निर्माण गरिएका छन् ।
चार नगरपालिका र चार गाउँपालिका रहेको जिल्लामा नाै सय चार बेड क्षमताको क्वारेन्टाइन निर्माण गरिएको प्रमुख जिल्ला अधिकारी लक्ष्मणबहादुर खड्काले जानकारी दिए ।
उनले कोरोनाको सम्भावित संक्रमणलाई ध्यान दिएर क्वारेन्टाइन निर्माण गरिएको बताए ।
बेंसीसहर नगरपालिकाले एक सय ६० बेडको क्वारेन्टाइन निर्माण गरेको नगरप्रमुख गुमानसिंह अर्यालले बताए ।
मध्यनेपाल नगरपालिका प्रमुख रमेशकुमार पाण्डेका अनुसार स्थानीय विद्यालयमा ४३ बेडको क्वारेन्टाइन बनाइएको छ ।
यस्तै, राइनास नगरपालिकाले ६० बेड क्षमताको क्वारेन्टाइन र सुन्दरबजार नगरपालिकाले एक सय ३४ बेड क्षमताको क्वारेन्टाइन निर्माण गरेको छ ।
यस्तै, क्व्होलासोंथर गाउँपालिका अध्यक्ष प्रेमबहादुर घलेले गाउँपालिकामा चार सय ३७ बेड क्षमताको क्वारेन्टाइन निर्माण गरेको बताए ।
दोर्दी गाउँपालिकाले १० बेड क्षमताको क्वारेन्टाइन निर्माण गरेको छ ।
मस्र्याङदी गाउापालिकाले ६९ बेड क्षमताको क्वारेन्टाइन निर्माण गरेको छ । दूधपोखरी गाउँपालिकाले भने क्वारेन्टाइन निर्माण सुरु गरेको छैन ।
लमजुङमा लकडाउन हुनुभन्दा केही दिनअघिसम्म विदेशबाट दुई सय ८० जना जिल्लामा भित्रिएका छन् ।
उक्त संख्या १ चैतदेखि जिल्लामा रहेका आठ स्थानीय तहमा विभिन्न मुलकबाट आउनेको संख्या हो ।
शनिबारसम्ममा विदेशबाट आएका व्यक्ति र तिनका परिवार गरी ३८ जनालाई विभिन्न स्थानका क्वारेन्टाइनमा राखिएको छ ।