प्रदेश
उच्च अदालत सुर्खेत, जुम्ला इजलासले बन्दीप्रत्यक्षीकरण निवेदनउपर सुनुवाइ गर्ने
Read Time : < 1 मिनेट
२०७६ चैत १४ शुक्रबार १४:२८:००
उच्च अदालत सुर्खेत, जुम्ला इजलासले बन्दीप्रत्यक्षीकरणलगायत महामारीसँग सम्बन्धित निवेदनउपर सुनुवाइ गर्ने भएको छ ।
फैलिँदो कोरोना महामारीको संक्रमणलाई मध्यनजर गर्दै सर्वाेच्च अदालतको ७ चैतको निर्णयबमोजिम उच्च अदालतले चैत ९ देखि २२ गतेसम्म अन्य कामकारबाही रोकेर बन्दीप्रत्यक्षीकरणलगायत महामारीसँग सम्बन्धित निवेदनउपर मात्र सुनुवाइ गर्ने भएको हो ।
यस्ता निवेदनउपर सुनुवाइ गर्नका लागि न्यायाधीश राकेशकुमार निधिसहितको कर्मचारी व्यवस्थापन गरिएको अदालतका नायव सुब्बा गणेश आचार्यले जानकारी दिए ।
उनले भने, ‘अदालत पूर्ण रूपमा बन्द भएको छैन, महामारीसँग सम्बन्धित सेवालाई सर्वाेच्चको निर्णयअनुसार खुला गरिएको छ ।’