कांग्रेसका केन्द्रीय सदस्य प्रदीप पौडेलले सार्वजनिक विद्यालयलाई क्वारेन्टाइनको रूपमा प्रयोग गर्नुपर्ने बताएका छन् ।
कोरोना भाइरसको संक्रमणको जोखिम बढिरहेका वेला शुक्रबार ट्विट गर्दै नेता पौडेलले विद्यालयलाई क्वारेन्टाइन बनाउनुपर्ने बताएका हुन् ।
‘६७४२ वडाहरूमा रहेका सार्वजनिक विद्यालयहरूलाई क्वारेन्टाइनको रूपमा प्रयोग गर्न सक्ने परिस्थिति छ । यसलाई व्यवस्थित गरी सरकारले आवश्यक निर्णय गरोस्,’ पौडेलले भनेका छन् ।
नेता पौडेलले यसको आन्तरिक व्यवस्थापनको जिम्मा स्थानीय जनप्रतिनिधिलाई दिनुपर्ने बताउँदै उनले स्वास्थ्य चौकीमै कोभिड–१९ परीक्षणका लागि नमुना संकलन गरिने व्यवस्था गर्न पनि सरकारलाई सुझाब दिएका छन् ।