प्रधानमन्त्री केपी शर्मा ओलीले राष्ट्रको नाममा सम्बोधन गर्ने भएका छन् ।
आज (शुक्रबार) साँझ ६ बजे सरकारीनिवास बालुवाटारबाट राष्ट्रको नाममा सम्बोधन गर्ने कार्यक्रम तय भएको प्रधानमन्त्रीका प्रेस सल्लाहकार सूर्य थापाले जानकारी दिए ।
कोरोना भाइरसको संक्रमण विश्वभर फैलिरहेको र नेपालभित्र अनावश्यक रूपमा यसको त्रास नमान्न साथै आवश्यक सावधानी अपनाउन आग्रह गर्ने गरी प्रधानमन्त्रीको सम्बोधन आउने बताइएको छ ।
कोरोना संक्रमण फैलन नदिन आवश्यक सावधानी अपनाउन र अनावश्यक त्रास नफैलाउन सरकारले सबै देशवासीसँग आग्रह गरेको छ ।