उच्च अदालत दिपायल महेन्द्रनगर इजलासले कञ्चनपुरकी १७ वर्षीया किशोरी कविता विष्ट हत्याका मुख्य अभियुक्त मदन गिरीलाई २० वर्ष जेल सजायको फैसला गरेको छ । कृष्णपुर नगरपलिका–८ शान्तिपुरकी कविताको २६ असार ०७५ मा बलात्कारपछि हत्या भएको थियो ।
घरबाट किताब किन्छु भन्दै हिँडेकी कविताको अपहरण र बलात्कारपछि हत्या गरेर गंगलमा खाडल खनेर गाडिएको अवस्थामा शव फेला परेको थियो । कविताको अपहरण, बलात्कार र हत्याको आरोपमा पक्राउ परेका अनुप भनिने मदन गिरी र भरत बोहरा अहिले जेलमा छन् ।
अपहरण, हत्या र बलात्कार तीन मुद्दामा मदन गिरीलाई २० वर्ष कैद र भरत बोहरालाई ३ वर्ष ६ महिना कैद सजायको फैसला भएको हो । प्रतिवादी गिरी, बोहरा र सरकारी वकिल कार्यालयले फैसलामा पुनरावेदन गरेका थिए ।