कृषि तथा पशुपन्छी विकासमन्त्री घनश्याम भुसालले कृषिमा दलाल पुँजीवाद हावी भएको बताएका छन् ।

बुधबार मन्त्रालयमा आयोजित पत्रकार सम्मेलनमा बोल्दै मन्त्री भुसालले कृषि क्षेत्रमा दलाल पुँजीवाद छ्यापछ्याप्ती रहेको बताएका हुन् । ‘कृषिको होल पुँजीलाई हेर्न हो भने दलाल पुँजीवाद छ्यापछ्याप्ती छ,’ मन्त्री भुसालले भने, ‘यसलाई किनारा लाउन म बुझेरै यहाँ आएको हुँ ।’

रोजगारी सिर्जना नगर्ने पुँजीवादलाई  आफूले दलाल पुँजीवाद भनेर परिभाषित गर्ने बताउँदै मन्त्री भुसालले किसानले आफ्नो उत्पादनको मूल्य नपाएको र उपभोक्ताले अत्यधिक मूल्य तिर्नुपरेको दाबी गरे ।

कृषिमा अनुदान बाँड्ने वर्तमान प्रणालीसमेत राम्रो नरहेको बताउँदै मन्त्री भुसालले सजिलो बनाउने दाबी गरे । ‘अहिले अनुदान पाउन गाह्रो भयो,’ उनले भने, ‘यसलाई सजिलो हामी बनाउनेछौँ । पानीमा, वबजुलीमा र मलमा हामी अनुदान दिन्छौँ ।’

मन्त्री भुसालले बुधबार मन्त्रालयमा पत्रकार सम्मेलन गर्दै मन्त्रालयकाे आमागी कार्य दिशाबारे जानकारी गराएका  थिए ।