स्पेनिस फुटबल प्रशिक्षक फ्रान्सिस्को ग्रासियाको कोरोना भाइरसको संक्रमणबाट मृत्यु भएको छ । पछि चिकित्सकहरुले २१ वर्षीय प्रशिक्षकमा रक्त क्यान्सर पनि भएको पत्ता लगाएका थिए ।
ग्रासिया मलागाको एट्लेटिको पोर्टाडा अल्टा क्लबको जुनियर टिमका प्रशिक्षक थिए । उनमा भाइरस संक्रमणका गम्भीर लक्षण देखिएपछि अस्पताल लगिएको थियो । केही दिनको उपचारपछि आइतबार उनको मृत्यु भएको थियो ।
उपचारमा संलग्न डाक्टरहरुले ग्रासिया क्यान्सरबाट ग्रसित नभएको भए बाँच्न सक्ने बताएका छन् । स्पेनमा कोरोना भाइरसको संक्रमण फैलिएपछि संकटकाल घोषणा गरिएको छ । यो युरोपको सबैभन्दा बढी प्रभावित दोस्रो देश हो । यहाँ संक्रमितको संख्या ८ हजार पुगेको छ भने २ सय ९७ को मृत्यु भएको छ ।